第七回 恶圈套罩住迷魂阵 美姻缘填成薄命坑
作者：韩邦庆按：黄翠凤的妹子金凤见留不住罗子富、汤啸庵两位，即去爬在楼窗口，高声叫：“无(女每)，罗老爷去哉！”那老鸨黄二姐在小房间内听了，急跑出来，恰好在楼梯下撞着，一把抓住罗子富袖子，说：“勿许去！”子富连道：“我无拨工夫来里。”黄二姐大声道：“耐要去末，等倪翠凤转来仔了去。”又嗔着汤啸庵道：“耐汤老爷倒也要紧哚（口宛），啥勿搭倪罗老爷坐一歇，说说闲话嗄。” 于是，不由分说，拉了罗子富上楼；叫小阿宝拉了汤啸庵，重到房间里来。黄二姐道：“宽宽马褂，多坐歇。”说着，伸手替罗子富解钮扣。金凤见了，也请汤啸庵宽衣。小阿宝摄了茶叶，随向啸庵手中接过马褂。黄二姐将子富脱下的马褂也授与小阿宝，都去挂在衣架上。
黄二姐一回头，见珠凤站在一傍，嗔他不来应酬，瞪目直视。吓得珠凤倒退下去，慌取了一支水烟筒，装与子富吸。子富摇手道：“耐去搭汤老爷装罢。”黄二姐问子富道：“阿是多吃仔酒哉？榻床浪去（身单）（身单）囗。”子富随意向烟榻躺下。小阿宝绞了手巾，移过一只茶碗，放在烟盘里，又请啸庵用茶。啸庵坐在靠壁高椅上，傍边珠凤给他装水烟。黄二姐叫金凤也取一支水烟筒来，遂在榻床前机子上坐了，自吸一口，却侧转头悄悄的笑向子富道：“耐阿是动气哉？”子富道：“动啥气嗄？”黄二姐道：“价末为啥好几日勿请过来？”子富道：“我无拨工夫（口宛）。”黄二姐鼻子里“哼”的一声，半晌，笑道：“说也匆差，成日成夜来哚老相好搭，阿有啥工夫到倪搭来嗄！”子富含笑不答。
黄二姐又吸了一口水烟，慢慢说道：“倪翠凤脾气是匆大好，也怪勿得耐罗老爷要动气。其实倪翠凤脾气末有点，也看客人起，俚来里罗老爷面浪，倒勿曾发过歇一点点脾气囗。汤老爷末也晓得点俚哉。俚做仔一户客人，要客人有长性，可以一直做下去，故末俚搭客人要好哚。俚搭客人要好仔，陆里有啥脾气嗄？俚就碰着仔无长性客人，难末要闹脾气哉。俚闹起脾气来，（要勿）说啥勿肯巴结，索性理也勿来理耐（口宛）。汤老爷阿是？第歇耐罗老爷末好像倪翠凤勿巴结了动气，陆里晓得倪翠凤心里搭罗老爷倒原蛮要好，倒是耐罗老爷勿是定归要去做俚，俚末也勿好来陪巴结耐哉（口宛）。俚也晓得蒋月琴搭罗老爷做仔四五年哉，俚有辰光搭我说起，说：‘罗老爷倒有长性哚，蒋月琴搭做四五年末，来里倪搭做起来阿会推扳嗄？’我说：‘耐晓得罗老爷有长性末，为啥勿巴结点囗？’俚也说得勿差，俚说：‘罗老爷有仔老相好，只怕倪巴结匆上，倒落仔蒋月琴哚笑眼里。’俚是实概意思。要说是俚勿肯巴结耐罗老爷，倒冤枉仔俚哉。我说罗老爷，耐故歇坎坎做起，耐也匆曾晓得倪翠凤个脾气，耐做一节下来，耐就有数目哉。倪翠凤末也晓得耐罗老爷心里是要做俚，难末俚慢慢仔也巴结起来哚。” 子富听了，冷笑两声。黄二姐也笑道：“阿是耐有点勿相信我闲话？耐问声汤老爷看，汤老爷蛮明白哚。汤老爷，耐想囗，倘然俚搭罗老爷勿要好末，罗老爷陆里叫得到十几个局嗄？俚心里来哚要好，嘴里终勿肯说出来，连搭娘姨、大姐哚才匆晓得俚心里个事体，单有我末稍微摸着仔点。倘然我故歇放罗老爷去仔，晚歇俚转来就要埋冤我哉（口宛）。我老实搭罗老爷说仔罢：俚做大生意下来，也有五年光景哉，通共就做仔三户客人，一户末来里上海，还有两户，一年上海不过来两埭，清爽是清爽得野哚。我再要俚自家看中仔一户客人，搭我多做点生意，故是难杀哚囗。推扳点客人（要勿）去说哉，就算客人末蛮好，俚说是无长性，只好拉倒，教我阿有啥法子嗄？为此我看见俚搭罗老爷蛮要好末，望罗老爷一直做下去，我也好多做点生意。勿然是老实说，像罗老爷个客人到倪搭来也勿少（口宛），走出走进，让俚哚去，我阿曾去应酬歇？为啥单是耐罗老爷末要我来陪陪耐嗄？”
子富仍是默然，汤啸庵也微微含笑。黄二姐又道：“罗老爷做末做仔半个月，待倪翠凤也总算无啥，不过倪翠凤看仔好像罗老爷有老相好来哚，倪搭是垫空个意思。我倒搭俚说：‘耐也巴结点，有啥老相好、新相好，罗老爷阿会待差仔倪嗄？’俚说：‘隔两日再看末哉。’前日仔俚出局转来，倒搭我说道：‘无(女每)，耐说罗老爷搭倪好，罗老爷到仔蒋月琴搭吃酒去哉。’我说：‘多吃台把酒是也算勿得啥。’陆里晓得倪翠凤就多心哉囗，说：‘罗老爷原搭老相好要好末，阿肯搭倪要好嗄？’”
子富听到这里，不等说完，接嘴道：“故是容易得势，就摆起来吃一台末哉（口宛）。”黄二姐正色道：“罗老爷耐做倪翠凤，倒也匆在乎吃酒勿吃酒。（要勿）为仔我一句闲话，吃仔酒了，晚歇翠凤原不过实概，例说我骗耐。耐要做倪翠凤末，耐定归要单做倪翠凤一个哚，包耐十二分巴结，无拨一点点推扳。（要勿）做做倪翠凤，再去做做蒋月琴，做得两头勿讨好。耐勿相信我闲话，耐就试试看，看俚那价功架，阿巴结勿巴结。”子富笑道：“故也容易得势，蒋月琴搭就匆去仔末是哉（口宛）。”黄二姐低头含笑，又吸了一口水烟，方说道：“罗老爷，耐倒也会说笑话哚！四五年老相好，说勿去就匆去哉，也亏耐说仔出来。倒说道容易得势，阿是来骗骗倪？”一面说，一面放下水烟筒，往对过房间里做什么去了。 子富回思陶云甫之言不谬，心下着实钦慕；要与汤啸庵商量，却又不便。自己忖度一番，坐起来呷口茶。珠凤忙送过水烟筒，子富仍摇手不吸。只见小阿宝和金凤两个爬在梳妆台前，凑近灯光，攒头搭颈，又看又笑。子富问：“啥物事？”金凤见问，劈手从小阿宝手中抢了，笑嘻嘻拿来与子富看，却是半个胡桃壳，内塑着五色粉捏的一出春宫。子富呵呵一笑。金凤道：“耐看囗。”拈着壳外线头抽拽起来，壳中人物都会摇动。汤啸庵也踅过来看了看，问金凤道：“耐阿懂嗄？”金凤道：“葡萄架（口宛），阿有啥勿懂。”小阿宝忙笑阻道：“耐（要勿）搭俚说囗，俚要讨耐便宜呀。”说笑问，黄二姐又至这边房里来，因问：“耐哚笑啥？”金凤又送去与黄二姐看。黄二姐道：“陆里拿得来嗄？原搭俚放好仔，晚歇弄坏仔末再要拨俚说哉。”金凤乃付与小阿宝将去收藏了。
罗子富立起身，丢个眼色与黄二姐，同至中间客堂，不知在黑暗里说些什么。咕唧了好一会，只听得黄二姐向楼窗口问：“罗老爷管家阿来里？教俚上来。”一面见子富进房，即叫小阿宝拿笔砚来央汤啸庵写请客票，只就方才同席的胡乱请几位。黄二姐亲自去点起一盏保险台灯来，看着啸庵草草写毕，给小阿宝带下，令外场去请。
黄二姐向子富道：“耐管家等来里，阿有啥说嗄？”子富说：“叫俚来。”高升在外听唤，忙掀帘进门候示。子富去身边取出一串钥匙，吩咐高升道：“耐转去到我床背后开第三只官箱，看里面有只拜盒拿得来。”高升接了钥匙，领命而去。
黄二姐问：“台面阿要摆起来？”子富抬头看壁上的挂钟，已至一点二刻了，乃说：“摆起来罢，天勿早哉。”汤啸庵笑道：“啥要紧！等翠凤出局转来仔，正好。”黄二姐慌道：“催去哉。俚哚是牌局，要末来哚替碰和，勿然陆里有实概长远嗄。”随喊：“小阿宝，耐去催催罢，教俚快点就转来。”小阿宝答应，正要下楼。黄二姐忽又叫住道：“耐慢点，我搭耐说囗。”说着，急赶出去，到楼梯边和小阿宝咬耳朵叮嘱几句，道：“记好仔。”
小阿宝去后，黄二姐方率领外场调桌椅、设杯署，安排停当。请客的也回来口话。惟朱蔼人及陶氏昆仲说就来，其余有回去了的，有睡下了的，都道谢谢。罗子富只得罢了。
忽听得楼下有轿子抬进大门，黄二姐只道是翠凤，忙向楼窗口望下观看。原来是客轿，朱蔼人来了。罗子富迎见让坐。朱蔼人见黄翠凤又不在家，解不出吃酒的缘故，悄问汤啸庵方始明白。
三人闲谈着，直等至两点钟相近，才见小阿宝喘吁吁的一径跑到房间里，说：“来哉，来哉！”黄二姐说：“跑啥？”小阿宝道：“我要紧呀，先生极得来。”黄二姐道：“啥实概长远嗄？”小阿宝道：“来哚替碰和。”黄二姐道：“我说是替碰和（口宛），阿是猜着哉。”接着一路“咭咭咯咯”的脚声上楼，黄二姐忙迎出去。先是赵家(女每)提着琵琶和水烟筒袋进来见了，叫声“罗老爷”，笑问：“来仔一歇哉？倪刚刚勿巧，出牌局，勿催仔再有欧囗。”随后，黄翠凤款步归房，敬过瓜子，却回头向罗子富嫣然展笑。子富从未见翠凤如此相待，得诸意外，喜也可知。
一时陶云甫也到。罗子富道：“单有玉甫勿曾来，倪先坐罢。”汤啸庵遂写一张催客条子，连局票一起交代赵家(女每)道：“先到东兴里李漱芳搭，催客搭叫局一淘来海。”赵家(女每)应说：“晓得哉。”
当下大家入席。黄翠凤上前筛一巡酒，靠罗子富背后坐了。珠凤、金凤还过台面规矩，随意散坐。黄二姐捉空自去。翠凤叫小阿宝拿胡琴来，却把琵琶给金凤，也不唱开片，只拣自己拿手的《荡湖船》全套和金凤合唱起来。座上众客只要听唱，那里还顾得吃酒。罗子富听得呆呆的，竟像发呆一般。赵家(女每)报说：“陶二少爷来哉。”子富也没有理会，及陶玉甫至台面前，方惊起厮见。
那时叫的局也陆续齐集了。陶玉甫是带局而来的，无须再叫。所怪者，陶玉甫带的局并不是李漱芳，却是一个十二三岁清倌人，眉目如画，憨态可掬，紧傍着玉甫肘下，有依依不舍之意。罗子富问：“是啥人？”玉甫道：“俚叫李浣芳，算是漱芳小妹子。为仔漱芳有点勿适意，坎坎少微出仔点汗，团来哚，我教俚（要勿）起来哉，让俚来代仔个局罢。”
说话时，黄翠凤唱毕，张罗道：“耐哚用点菜囗。”随推罗子富道：“耐啥勿说说嗄？”子富笑道：“我先来打个通关。”乃伸拳从朱蔼人挨顺豁起，内外无甚输赢；豁至陶玉甫，偏是玉甫输的。李浣芳见玉甫豁拳，先将两只手盖住酒杯，不许玉甫吃酒，都授与娘姨代了。玉甫接连输了五拳，要取一杯来自吃。李浣芳抢住，发急道：“谢谢耐，耐就照应点倪阿好？”玉甫只得放手。
罗子富听李浣芳说得诧异，回过头去，要问他为什么。只见黄二姐在帘子影里探头探脑，子富会意，即缩住口，一径出席，走过对过房间里。黄二姐带领管家高升跟进来。高升呈上拜匣，黄二姐集亮了桌上洋灯。子富另将一串小钥匙开了拜匣，取出一对十两重的金钏臂来，授与黄二姐手内；仍把拜匣锁好，令黄二姐暂为安放，自收起大小两副钥匙，说道：“我去喊翠凤来，看看花头阿中意。”说着，回至这边归座，悄向黄翠凤道：“耐无(女每)来哚喊耐。”翠凤妆做不听见，俄延半晌，囗的站起身一直去了。
罗子富见台面冷清清的，便道：“耐哚阿有啥人摆个庄嗄？”陶云甫道：“倪末再豁两拳，耐让玉甫先去罢。俚哚酒是匆许俚吃哉，坐来里做啥？为俚一干仔，倒害仔几花娘姨、大姐跑来跑去忙煞，再有人来哚勿放心。晚歇吓坏仔俚，才是倪个于己。让俚去仔倒清爽点，阿是？”说得哄堂大笑。罗子富看时，果然有两个大姐、三个娘姨围绕在陶玉甫背后，乃道：“故倒勿好屈国耐哉（口宛）。”陶玉甫得不的一声，讪讪的挈李浣芳告辞先行。
罗子富送客回来，说道：“李漱芳搭俚倒要好得野哚！”陶云甫道：“人家相好要好点，也多煞（口宛），就匆曾见歇俚哚个要好，说勿出描勿出哚！随便到陆里，教娘姨跟好仔，一淘去末原一淘来。倘忙一日勿看见仔，要娘姨、相帮供四面八方去寻得来，寻勿着仔吵煞哉！我有日子到俚搭去，有心要看看俚哚，陆里晓得俚哚两家头对面坐好仔，呆望来哚，也匆说啥一句闲话。问俚哚阿是来里发痴？俚哚自家也说匆出（口宛）。”汤啸庵道：“想来也是俚哚缘分。”云甫道：“啥缘分嗄，我说是冤牵！耐看玉甫近日来神气常有点呆致致，拨来俚哚圈牢仔，一步也走勿开个哉。有辰光我教玉甫去看戏，漱芳说：‘戏场里锣鼓闹得势，（要勿）去哉。’我教玉甫去坐马车，漱芳说：‘马车跑起来颠得势，（要勿）去哉。’最好笑有一转拍小照去，说是眼睛光也拨俚哚拍仔去哉；难末日朝天亮快勿曾起来，就搭俚恬眼睛，说恬仔半个月坎坎好。”大家听说，重又大笑。 陶云甫回头把手指着自己叫的倌人覃丽娟，笑道：“像倪做个相好，要好末勿要好，倒无啥。来仔也勿讨厌，去仔也想勿着，随耐个便，阿是要写意多花哚？”覃丽娟按说道：“耐说说俚哚，啥说起倪来哉嗄？耐要像俚哚要好末，耐也去做仔俚末哉（口宛）。”云甫道：“我说耐好，倒说差哉。”丽娟道：“耐去调皮末哉。倪不过实概样式，要好勿会好，要邱也匆会邱。”云甫道：“为此我说耐好（口宛）。耐自家去转仔啥念头，倒说我调皮。”朱蔼人正色道：“耐说末说白相，倒有点意思。我看下来，越是搭相好要好，越是做勿长。倒是不过实概末，一年一年，也做去看光景。”蔼人背后林素芬虽不来接嘴，却也在那里做鬼脸。罗子富一眼看见，忙岔开道：“（要勿）说哉。蔼人摆个庄，倪来豁拳哉。”
第七回终。
黄二姐一回头，见珠凤站在一傍，嗔他不来应酬，瞪目直视。吓得珠凤倒退下去，慌取了一支水烟筒，装与子富吸。子富摇手道：“耐去搭汤老爷装罢。”黄二姐问子富道：“阿是多吃仔酒哉？榻床浪去（身单）（身单）囗。”子富随意向烟榻躺下。小阿宝绞了手巾，移过一只茶碗，放在烟盘里，又请啸庵用茶。啸庵坐在靠壁高椅上，傍边珠凤给他装水烟。黄二姐叫金凤也取一支水烟筒来，遂在榻床前机子上坐了，自吸一口，却侧转头悄悄的笑向子富道：“耐阿是动气哉？”子富道：“动啥气嗄？”黄二姐道：“价末为啥好几日勿请过来？”子富道：“我无拨工夫（口宛）。”黄二姐鼻子里“哼”的一声，半晌，笑道：“说也匆差，成日成夜来哚老相好搭，阿有啥工夫到倪搭来嗄！”子富含笑不答。
黄二姐又吸了一口水烟，慢慢说道：“倪翠凤脾气是匆大好，也怪勿得耐罗老爷要动气。其实倪翠凤脾气末有点，也看客人起，俚来里罗老爷面浪，倒勿曾发过歇一点点脾气囗。汤老爷末也晓得点俚哉。俚做仔一户客人，要客人有长性，可以一直做下去，故末俚搭客人要好哚。俚搭客人要好仔，陆里有啥脾气嗄？俚就碰着仔无长性客人，难末要闹脾气哉。俚闹起脾气来，（要勿）说啥勿肯巴结，索性理也勿来理耐（口宛）。汤老爷阿是？第歇耐罗老爷末好像倪翠凤勿巴结了动气，陆里晓得倪翠凤心里搭罗老爷倒原蛮要好，倒是耐罗老爷勿是定归要去做俚，俚末也勿好来陪巴结耐哉（口宛）。俚也晓得蒋月琴搭罗老爷做仔四五年哉，俚有辰光搭我说起，说：‘罗老爷倒有长性哚，蒋月琴搭做四五年末，来里倪搭做起来阿会推扳嗄？’我说：‘耐晓得罗老爷有长性末，为啥勿巴结点囗？’俚也说得勿差，俚说：‘罗老爷有仔老相好，只怕倪巴结匆上，倒落仔蒋月琴哚笑眼里。’俚是实概意思。要说是俚勿肯巴结耐罗老爷，倒冤枉仔俚哉。我说罗老爷，耐故歇坎坎做起，耐也匆曾晓得倪翠凤个脾气，耐做一节下来，耐就有数目哉。倪翠凤末也晓得耐罗老爷心里是要做俚，难末俚慢慢仔也巴结起来哚。” 子富听了，冷笑两声。黄二姐也笑道：“阿是耐有点勿相信我闲话？耐问声汤老爷看，汤老爷蛮明白哚。汤老爷，耐想囗，倘然俚搭罗老爷勿要好末，罗老爷陆里叫得到十几个局嗄？俚心里来哚要好，嘴里终勿肯说出来，连搭娘姨、大姐哚才匆晓得俚心里个事体，单有我末稍微摸着仔点。倘然我故歇放罗老爷去仔，晚歇俚转来就要埋冤我哉（口宛）。我老实搭罗老爷说仔罢：俚做大生意下来，也有五年光景哉，通共就做仔三户客人，一户末来里上海，还有两户，一年上海不过来两埭，清爽是清爽得野哚。我再要俚自家看中仔一户客人，搭我多做点生意，故是难杀哚囗。推扳点客人（要勿）去说哉，就算客人末蛮好，俚说是无长性，只好拉倒，教我阿有啥法子嗄？为此我看见俚搭罗老爷蛮要好末，望罗老爷一直做下去，我也好多做点生意。勿然是老实说，像罗老爷个客人到倪搭来也勿少（口宛），走出走进，让俚哚去，我阿曾去应酬歇？为啥单是耐罗老爷末要我来陪陪耐嗄？”
子富仍是默然，汤啸庵也微微含笑。黄二姐又道：“罗老爷做末做仔半个月，待倪翠凤也总算无啥，不过倪翠凤看仔好像罗老爷有老相好来哚，倪搭是垫空个意思。我倒搭俚说：‘耐也巴结点，有啥老相好、新相好，罗老爷阿会待差仔倪嗄？’俚说：‘隔两日再看末哉。’前日仔俚出局转来，倒搭我说道：‘无(女每)，耐说罗老爷搭倪好，罗老爷到仔蒋月琴搭吃酒去哉。’我说：‘多吃台把酒是也算勿得啥。’陆里晓得倪翠凤就多心哉囗，说：‘罗老爷原搭老相好要好末，阿肯搭倪要好嗄？’”
子富听到这里，不等说完，接嘴道：“故是容易得势，就摆起来吃一台末哉（口宛）。”黄二姐正色道：“罗老爷耐做倪翠凤，倒也匆在乎吃酒勿吃酒。（要勿）为仔我一句闲话，吃仔酒了，晚歇翠凤原不过实概，例说我骗耐。耐要做倪翠凤末，耐定归要单做倪翠凤一个哚，包耐十二分巴结，无拨一点点推扳。（要勿）做做倪翠凤，再去做做蒋月琴，做得两头勿讨好。耐勿相信我闲话，耐就试试看，看俚那价功架，阿巴结勿巴结。”子富笑道：“故也容易得势，蒋月琴搭就匆去仔末是哉（口宛）。”黄二姐低头含笑，又吸了一口水烟，方说道：“罗老爷，耐倒也会说笑话哚！四五年老相好，说勿去就匆去哉，也亏耐说仔出来。倒说道容易得势，阿是来骗骗倪？”一面说，一面放下水烟筒，往对过房间里做什么去了。 子富回思陶云甫之言不谬，心下着实钦慕；要与汤啸庵商量，却又不便。自己忖度一番，坐起来呷口茶。珠凤忙送过水烟筒，子富仍摇手不吸。只见小阿宝和金凤两个爬在梳妆台前，凑近灯光，攒头搭颈，又看又笑。子富问：“啥物事？”金凤见问，劈手从小阿宝手中抢了，笑嘻嘻拿来与子富看，却是半个胡桃壳，内塑着五色粉捏的一出春宫。子富呵呵一笑。金凤道：“耐看囗。”拈着壳外线头抽拽起来，壳中人物都会摇动。汤啸庵也踅过来看了看，问金凤道：“耐阿懂嗄？”金凤道：“葡萄架（口宛），阿有啥勿懂。”小阿宝忙笑阻道：“耐（要勿）搭俚说囗，俚要讨耐便宜呀。”说笑问，黄二姐又至这边房里来，因问：“耐哚笑啥？”金凤又送去与黄二姐看。黄二姐道：“陆里拿得来嗄？原搭俚放好仔，晚歇弄坏仔末再要拨俚说哉。”金凤乃付与小阿宝将去收藏了。
罗子富立起身，丢个眼色与黄二姐，同至中间客堂，不知在黑暗里说些什么。咕唧了好一会，只听得黄二姐向楼窗口问：“罗老爷管家阿来里？教俚上来。”一面见子富进房，即叫小阿宝拿笔砚来央汤啸庵写请客票，只就方才同席的胡乱请几位。黄二姐亲自去点起一盏保险台灯来，看着啸庵草草写毕，给小阿宝带下，令外场去请。
黄二姐向子富道：“耐管家等来里，阿有啥说嗄？”子富说：“叫俚来。”高升在外听唤，忙掀帘进门候示。子富去身边取出一串钥匙，吩咐高升道：“耐转去到我床背后开第三只官箱，看里面有只拜盒拿得来。”高升接了钥匙，领命而去。
黄二姐问：“台面阿要摆起来？”子富抬头看壁上的挂钟，已至一点二刻了，乃说：“摆起来罢，天勿早哉。”汤啸庵笑道：“啥要紧！等翠凤出局转来仔，正好。”黄二姐慌道：“催去哉。俚哚是牌局，要末来哚替碰和，勿然陆里有实概长远嗄。”随喊：“小阿宝，耐去催催罢，教俚快点就转来。”小阿宝答应，正要下楼。黄二姐忽又叫住道：“耐慢点，我搭耐说囗。”说着，急赶出去，到楼梯边和小阿宝咬耳朵叮嘱几句，道：“记好仔。”
小阿宝去后，黄二姐方率领外场调桌椅、设杯署，安排停当。请客的也回来口话。惟朱蔼人及陶氏昆仲说就来，其余有回去了的，有睡下了的，都道谢谢。罗子富只得罢了。
忽听得楼下有轿子抬进大门，黄二姐只道是翠凤，忙向楼窗口望下观看。原来是客轿，朱蔼人来了。罗子富迎见让坐。朱蔼人见黄翠凤又不在家，解不出吃酒的缘故，悄问汤啸庵方始明白。
三人闲谈着，直等至两点钟相近，才见小阿宝喘吁吁的一径跑到房间里，说：“来哉，来哉！”黄二姐说：“跑啥？”小阿宝道：“我要紧呀，先生极得来。”黄二姐道：“啥实概长远嗄？”小阿宝道：“来哚替碰和。”黄二姐道：“我说是替碰和（口宛），阿是猜着哉。”接着一路“咭咭咯咯”的脚声上楼，黄二姐忙迎出去。先是赵家(女每)提着琵琶和水烟筒袋进来见了，叫声“罗老爷”，笑问：“来仔一歇哉？倪刚刚勿巧，出牌局，勿催仔再有欧囗。”随后，黄翠凤款步归房，敬过瓜子，却回头向罗子富嫣然展笑。子富从未见翠凤如此相待，得诸意外，喜也可知。
一时陶云甫也到。罗子富道：“单有玉甫勿曾来，倪先坐罢。”汤啸庵遂写一张催客条子，连局票一起交代赵家(女每)道：“先到东兴里李漱芳搭，催客搭叫局一淘来海。”赵家(女每)应说：“晓得哉。”
当下大家入席。黄翠凤上前筛一巡酒，靠罗子富背后坐了。珠凤、金凤还过台面规矩，随意散坐。黄二姐捉空自去。翠凤叫小阿宝拿胡琴来，却把琵琶给金凤，也不唱开片，只拣自己拿手的《荡湖船》全套和金凤合唱起来。座上众客只要听唱，那里还顾得吃酒。罗子富听得呆呆的，竟像发呆一般。赵家(女每)报说：“陶二少爷来哉。”子富也没有理会，及陶玉甫至台面前，方惊起厮见。
那时叫的局也陆续齐集了。陶玉甫是带局而来的，无须再叫。所怪者，陶玉甫带的局并不是李漱芳，却是一个十二三岁清倌人，眉目如画，憨态可掬，紧傍着玉甫肘下，有依依不舍之意。罗子富问：“是啥人？”玉甫道：“俚叫李浣芳，算是漱芳小妹子。为仔漱芳有点勿适意，坎坎少微出仔点汗，团来哚，我教俚（要勿）起来哉，让俚来代仔个局罢。”
说话时，黄翠凤唱毕，张罗道：“耐哚用点菜囗。”随推罗子富道：“耐啥勿说说嗄？”子富笑道：“我先来打个通关。”乃伸拳从朱蔼人挨顺豁起，内外无甚输赢；豁至陶玉甫，偏是玉甫输的。李浣芳见玉甫豁拳，先将两只手盖住酒杯，不许玉甫吃酒，都授与娘姨代了。玉甫接连输了五拳，要取一杯来自吃。李浣芳抢住，发急道：“谢谢耐，耐就照应点倪阿好？”玉甫只得放手。
罗子富听李浣芳说得诧异，回过头去，要问他为什么。只见黄二姐在帘子影里探头探脑，子富会意，即缩住口，一径出席，走过对过房间里。黄二姐带领管家高升跟进来。高升呈上拜匣，黄二姐集亮了桌上洋灯。子富另将一串小钥匙开了拜匣，取出一对十两重的金钏臂来，授与黄二姐手内；仍把拜匣锁好，令黄二姐暂为安放，自收起大小两副钥匙，说道：“我去喊翠凤来，看看花头阿中意。”说着，回至这边归座，悄向黄翠凤道：“耐无(女每)来哚喊耐。”翠凤妆做不听见，俄延半晌，囗的站起身一直去了。
罗子富见台面冷清清的，便道：“耐哚阿有啥人摆个庄嗄？”陶云甫道：“倪末再豁两拳，耐让玉甫先去罢。俚哚酒是匆许俚吃哉，坐来里做啥？为俚一干仔，倒害仔几花娘姨、大姐跑来跑去忙煞，再有人来哚勿放心。晚歇吓坏仔俚，才是倪个于己。让俚去仔倒清爽点，阿是？”说得哄堂大笑。罗子富看时，果然有两个大姐、三个娘姨围绕在陶玉甫背后，乃道：“故倒勿好屈国耐哉（口宛）。”陶玉甫得不的一声，讪讪的挈李浣芳告辞先行。
罗子富送客回来，说道：“李漱芳搭俚倒要好得野哚！”陶云甫道：“人家相好要好点，也多煞（口宛），就匆曾见歇俚哚个要好，说勿出描勿出哚！随便到陆里，教娘姨跟好仔，一淘去末原一淘来。倘忙一日勿看见仔，要娘姨、相帮供四面八方去寻得来，寻勿着仔吵煞哉！我有日子到俚搭去，有心要看看俚哚，陆里晓得俚哚两家头对面坐好仔，呆望来哚，也匆说啥一句闲话。问俚哚阿是来里发痴？俚哚自家也说匆出（口宛）。”汤啸庵道：“想来也是俚哚缘分。”云甫道：“啥缘分嗄，我说是冤牵！耐看玉甫近日来神气常有点呆致致，拨来俚哚圈牢仔，一步也走勿开个哉。有辰光我教玉甫去看戏，漱芳说：‘戏场里锣鼓闹得势，（要勿）去哉。’我教玉甫去坐马车，漱芳说：‘马车跑起来颠得势，（要勿）去哉。’最好笑有一转拍小照去，说是眼睛光也拨俚哚拍仔去哉；难末日朝天亮快勿曾起来，就搭俚恬眼睛，说恬仔半个月坎坎好。”大家听说，重又大笑。 陶云甫回头把手指着自己叫的倌人覃丽娟，笑道：“像倪做个相好，要好末勿要好，倒无啥。来仔也勿讨厌，去仔也想勿着，随耐个便，阿是要写意多花哚？”覃丽娟按说道：“耐说说俚哚，啥说起倪来哉嗄？耐要像俚哚要好末，耐也去做仔俚末哉（口宛）。”云甫道：“我说耐好，倒说差哉。”丽娟道：“耐去调皮末哉。倪不过实概样式，要好勿会好，要邱也匆会邱。”云甫道：“为此我说耐好（口宛）。耐自家去转仔啥念头，倒说我调皮。”朱蔼人正色道：“耐说末说白相，倒有点意思。我看下来，越是搭相好要好，越是做勿长。倒是不过实概末，一年一年，也做去看光景。”蔼人背后林素芬虽不来接嘴，却也在那里做鬼脸。罗子富一眼看见，忙岔开道：“（要勿）说哉。蔼人摆个庄，倪来豁拳哉。”
第七回终。